រាជធានីភ្នំពេញ ៖ រថយន្តមួយគ្រឿងបានបង្កគ្រោះថ្នាក់ជាមួយម៉ូតូ ហើយត្រូវបានកម្លាំងសមត្ថកិច្ចចុះអន្តរាគមន៍ក៏រកឃើញឈើគ្រញូងជាច្រើនកង់តូចៗនៅក្នុងរថយន្តនោះ ហេតុការណ៍នេះកើតឡើងកាលពីវេលាម៉ោង៩យប់ថ្ងៃទី២ ខែសីហា ឆ្នាំ២០១៧ នៅចំណុចភូមិជ្រោយអំបិល សង្កាត់ក្បាលកោះ ខណ្ឌច្បារអំពៅ ។
អធិការរងនគរបាលខណ្ឌច្បារអំពៅបានឱ្យដឹងថា រថយន្តល្មើសច្បាប់ម៉ាកហាយឡេនឌ័រ ពណ៌ស្ករ ពាក់ស្លាកលេខព្រះសីហនុ 2A - 1147 បើកបរដោយជនសង្ស័យម្នាក់បង្កគ្រោះថ្នាក់ចរាចរណ៍ដោយបើកបុកម៉ូតូមួយគ្រឿងម៉ាកសង់ឌ្រីមចំណុចខាងលើ ក្រោយពេលបង្កហេតុភ្លាមៗជនសង្ស័យបានបើកទ្វារចុះពីលើរថយន្ត រួចរត់គេចបាត់ស្រមោលតែម្តង ។ បន្ទាប់ពីកើតហេតុកម្លាំងនគរបាលបានចុះអន្តរាគមន៍ ហើយបានបើកទ្វាររថយន្តចូលទៅ ស្រាប់តែប្រទះឃើញមានឈើគ្រញូងជាច្រើនកង់តូចៗតែម្តង ក៏សម្រេចយករថយន្ត និងវត្ថុតាងមកកាន់អធិការនគរបាលខណ្ឌ ដោយឡែកភាគីខាងម៉ូតូរងគ្រោះរងរបួសស្រាល ក៏សម្រេចត្រឡប់ទៅលំនៅឋានវិញ ។
About the Author
0 comments: